Bartamaha (Jowhar):- Maamulka Alshabaab Magaalada Jowhar ayaa diiday in Koorsooyin laga furi Dugsiyada Waxbarashada Labada Bilood ee Fasaxa lagu jiro.

Madaxa Dacwada Alshabaab Jowhar ayaa si cad u diiday in xiliga Fasaxa waxbarasho ay ka socoto Dugsiyada Magaalada iyadoo la mamnuucay Koorsooyinka ay dhiganayaan ardayda.

Sheekh C/risaaq Jaylaani Kuulow  oo ah Madaxa Dacwada Alshabaab Jowhar ayaa shaaca ka qaaday in la mamnuucay Korsooyinka la dhigo xiliga Dugsiyada Magaalada ay fasaxa ku jiraan.

Sheekh C.risaaq Kuulow ayaa sheegay in dhammaan la joojiyay Koorsooyinka markii Dacwad ay ka timid qaar ka mida Waalidiinta oo diidan in lacag ay ku bixiyaan Labada Bilood ee la xero Dugsiyada Magaalada.

Maamulada Goobaha Waxbarashada Jowhar ayaa la yaabay amarka maamulka ka soo baxay maadaama arday badan ay ka faa’iideytaan waxbarashada xilli waliba oo Iskuulada la fasaxo.

Horay ayaa Alshabaab Jowhar ay maamulada ku amreen joojinta Kambaleelka iyagoo sidoo kale amray in dareeska laga badalo Hablaha wax ka barta Magaaladaasi Jowhar.

Xafiiska Wararka www.Bartamaha.Com

Muqdisho-Somalia.

Comments

comments