Bartamaha(Kismaayo):-Maamulka Kooxda Alshabaab Jubooyinka ayaa si diiran u soo dhaweeyay mamnuucidii shaqada hay’ada WFP ee dalka soomaaliya dhawaan ay mamnuuceen Alshabaab.

Madaxa Wafaafinta Maamulka Jubbooyinka Ee Kooxda Alshabaab Sheekh Xasan Yacquub Cali oo saxaafada la hadlayay ayaa sheegay in ay si diiran u soo dhaweynayaan xayiraada la saaray WFP.

Sheekh Xasan Yacquub ayaa sheegay in bulshada ay isku filanyihiin oo ay ka maarmi karaan gacanta Kooxda WFp oo raashin aan wanaagsanayn siin jirtay Bulshada Soomaaliyeed sida uu hadalka u dhigay.

Afhayeenka Alshabaab Jubooyinka ayaa tilmamay in Sakada ay ku filantahay dadka dhibanayaasha ah oo aan haysan raashin ay cunaan taasina ay xilli waliba socon doonto.

Alshabaab Jubooyinka ayaa waxa ay ku baaqeen in laga maarmo WFP oo shacabka soomalaiyeed ay iskaashi sameeyaan si raashin wax tar leh ay uga soo saran lahaayeen Gobolada Dalka Soomaaliya.

War saxaafadeed laba cisho ka hor kla soo baxay Alshabaab ayaa waxaa si toos ah lagu mamnuucay shaqadii Hay’ada WFP ka dib khilaaf in mudda ah ka jiray Alshabaab iyo Wfp Dhexdooda.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments