Bartamaha (Garoowe) Wakiilka gaarka ah Qaramada Midoobe Ee Arimaha Soomaaliya  oo shalay gaaray Magaalada Garoowe ayaa waxa uu halkaasi kulan saacado qaatay la yeeshay Madaxda Maamulkaasi.

Ahmeduo Ould-Abdalla Wakiilka gaarka ah Ee Qaramada Midoobe arimaha Soomaaliya aya shalay ka dagay Magaalada Garoowe iyadoo ay soo dhaweeyeen madaxda Dowlad Goboleedkaasi oo kulna la yeeshay.

Kulanka ayaa waxaa la sheegay in looga hadlayay xal u helida xaalada dagaalada ka jira Gobolada Koonfureed Ee Soomaaliya iyo kaalinta ay Puntland ka qaadan karto taageerada Dowlada Soomaaliya.

Madaxda Puntland ayaa la sheegay in ay codaseen taakuleynta hay’adaha Qaramada Midoobe qeybo ka mida Gobolada Maamulkaasi oo xaalad nolol xumo ay ka taagantahay .

Kulanka oo saacada qaatay islamarkaana ay albaabyada u laabnaayeen ayaa la sheegayaa in sidoo kale Maamulka Puntland ay dalbadeen in hay’adaha qaramada Midoobe xafiiska ay ka samaystaan Deegaanada Puntland.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments