Bartamaha(Muqdisho):-Ciidamada Ahlu sunnah ayaa saaka dhaqdhaqaaq iyo baaritaan ka wada Wadada gasha Suuqa Bakaaraha halkaasi oo shalay ay ciidankaasi gaaren.

Ciidanka Kooxda Ahlu sunnah ayaa saaka howlo baaritaan ah ku samaynayay gaadiida galaya suuqa Bakaaraha iyadoo dad badan ay uga shakiyeen alshabaab gaadiidka ay kala dageen baaritaana ku samaynayaan.

Kooxda Ahlu sunnah ayaa shalay galab dagaal qaraar kula gashay alshabaab Xaafadaha Degmada Hodon iyadoo ku dhawaatay Suuqa Bakaaraha oo ay saaka ka joogaan isgoyska Dabka iyo Isgoyska Bakaraha meel u dhexeysa.

Xaalada wadada kaliya ee Muqdisho ka furan ayaa ah mid kacsan waxaana xilli waliba ka dhici kara dagaal u dhexeeya Alshabaab iyo Ahlu sunnah maadaama ay isku horfadhiyaan wadadaasi u dhexeysa Bakaaraha iyo Isgoyska Dabka.

Wixii warar dheeraad ah Bartamaha.Com kala soco xilli waliba

Xafiiska Wararka Soomaaliyeed www.Bartamaha.Com

Muqdisho-Somalia

Comments

comments