Bartamaha(Dhusamareeb):-Kooxda Ahlu sunnah Wal Jamaaca ayaa shaaca ka qaaday in aanay wax saamayn ah ku yeelan doonin Khilaafka soo kala dhexgalay Dowlada dhexdeea.
Sheekh C/laahi Abuu Yusuf Al Qadi ayaa sheegay in aanay wax saamayn balaaran ah ku yeelan doonin kala dirida Dowlada iyo khilaafaadka haatan taagan ee Dowlada soo kala dhexgalay.
Alqaadi ayaa sheegay in Dowlada looga baahanyahay in ay soo afmeerto khilaafaaadka Dowlada dhexdeeda xiligan ka dhaxeeya taasi oo uu xusay in dhibaato badan uu dalka galin karo khilaafkaa.
Al qaadi waxa uu ugu baaqay Dowlada in ay soo dhisaan Xukumad tayaysan islamarkaana la dhowro heshiiskii Addis Ababab iyo Muqdisho ay ku wada gaareen Dowlada iyo Ahlu sunnah.
Hadalka Ahlu sunnah ayaa waxa uu yimid xilli Xukumadii ay la heshiyeen shalay la kala diray taasi oo laga baqanaayay in ay saamayn ku yeelato heshiiska ay wada gaareen ahlu sunnah iyo Dowlada.
Xafiiska Wararka Soomaaliyeed www.Bartamaha.Com
Muqdisho-Somalia.

Comments

comments