Bartamaha(Muqdisho):-Allaha u naxariistee waxaa Magaalada Muqdisho ku geeriyooday Fanaan marna Abwaan iyo majaajiliistaha ahaa Markaraan Caraaye Maxamuud.

Abwaan Makaraan Caraaye ayaa la sheegay in uu xalay Magaalada Muqdisho ku geeriyooday ka dib xanuun xagga Wadnaha ka soo wajahay kaasi oo la sheegay in uu wadnaha istaagay.

Abwaanka ayaa ahaa nin inta badan ka dhexmuuqday hoboladii Waabari islamarkaana ay si weyn u bargaranayeen dadkii ku dhaqnaa waayo Magaalada Muqdisho ee xaadiri jiray National Theater.

Maanta ayaa lagu aasay Marxuum Makaraan Caraaye Degmada Boondheere Ee Muqdisho halkaasi oo uu daganaa mudooyinkii ugu danbeeyay iyadoo aaskiisa ay joogeen fanaaniinta magaalada ku harsan.

Abwaan Siciid Xarawo ayaa ka hadlay halkii lagu aasayay isagoo ka sheekeeyay taariikhdii xagga fanka iyo wanaaga bulshada oo uu abwaanka caanka ku ahaa.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

 

Comments

comments