Garowe_ Xulka gobalka Nugaal ayaa sanadkii labaad xejistay koobka tartanka kubada cagta gobalada Puntland, waxaana cayaartii kama damaysta ahayd ay galabta iskaga horyimaadeen xulka gobalka Sool.

Jawiga garoonka kubada cagta ee Miro Awaare ayaa ahaa mid degan waxaana aad loo adkeeyey amaanka, taagerayasha labada dhinac ayaa laga dheehanayay shucuur saa,ida.

Cayaarta oo huwaneed xiiso gaara ayaa mudadii loogu tala galay kusoo dhamaatay Bar bar dhac, waxaana labada xul lagu kala saaray gool ku laadyo, iyadoona guushu raacday gobalka Nugaal kadib markii 5-4 uu kaga badiyey xulka gobalka Sool.

Waa sanadkii labaad oo ay Nugaal la hoyato koobka kubada cagta ee gobalada Puntland, waxaana mudadii uu socday tartanku xiisiha iyo hadalyntisa laga dheehanayay bulshada kunool deeganada Puntland.

 

 

Comments

comments