Bartamaha(Muqdisho):-Dagaal xoog badan ayaa Saaka ka socanaya  Xaafadaha Woqooyiga Magaalada Muqdisho halkaasi oo Taangiyada Amisom ay u dhaqaaqeen.

Dagaalka ayaa bilowday aroornimadii hore ee Saaka markii Taangiyada Amisom iyo Ciidanka Dowlada ay u dhaqaaqeen Xaafadaha Degmooyinka C.Casiis iyo Shibis.

Taangiyada Amisom ayaa u kala dhaqaaqay wadooyinka Liida,Wadada Fiat,Nasii-Buundo,iyo Afarta Jardiino waxaana dhammana wadooyinkaasi galay Taangiyada Amisom.

Dagaal xoog badan ayaa ka socanaya wadooyinka Shibis iyo C.Casiis  oo ay isku hayaan Amisom iyo Dowlada oo dhinac iyo Islaamiyiinta Alshabaab oo aagaga ay haysteen dagaalka uu ka socanayo.

Madaafiicda Hoobiyayaasha iyo PMka ayaa saaka sida roobka oo kale ugu daadanaya Degmooyinka dagaalka uu ka socanayo iyo Deegaano kale oo ka baxsan dhulka dagaalka ka socdo.

Wixii ku soo kordha Dagaalka socanaya kala soco www.Bartamaha.Com

Xafiiska www.BARTAMAHA.COM

Muqdisho-Somalia

Comments

comments