Bartamaha (Muqdisho) Qaraxyada ayaa ahaa kuwa isxigay oo marqura laga maqlay daafaha Magaalada Muqdisho iyadoo uura iyo sawaxan laga maqlay fariisinka ugu balaran Ciidamada AMISOM ee Muqdisho.

Labada qarax ayaa waxa ay ahayeen kuwa ay sameeyeen laba gaarii oo walxaha qarxa laga soo buuxiyay kuwaasi oo la dhexgaliyay fariisinka Amisom Xanale halkaasi oo maanta uu kulan ka socanayay.

Gaariga hore ayaa la xaqiijiyay in uu ku dhacay kaalinka shidaalka Ciidamada Amisom Ee Xarunta Xalane halkaasi oo ay ku sugnaayeen tiro Ciidamada Ugandha ah kuwaasi oo la sheegay in waxyeela ay gaartay .

Gaariga labaad ayaa waxa uu ku dhacay dhismo ay ku shirayeen Saraakiil Xagga Amaanka u qaabilsan Dowlada soomaaliya iyo Saraakiil Amisom ka tirsan iyadoo halkaasi la sheegay in ay ku geeriyoodeen Masuuliyiin labada dhinac ah.

Illaa haatan waxaa la xaqiijiyay geerida saraakiil sare oo ka tirsan Booliiska iyo Militariga Dowlada Soomaaliya kuwaasi oo la shirayay Saraakiisha Amisom oo goobta ay ku shirayeen gaariga lagu dhiftay.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

 

Comments

comments