Bartamaha(Boosaaso):-Qarax xoogan ayaa Xalay fiidnimadii lala beegsaday Koox Ethiopian ah oo Filim ka daawanaysay goob ku taala Magaalada Boosaaso halkaasi oo qasaara ay ka soo gaartay.

Qaraxa ayaa waxaa geystay laba dhalinyarada ah sida ay Booliiska xaqiijiyeen iyadoo dhaawacyo in ka badan 8-ruux uu halkaasi ka dhashay taasi oo badanaa dadka waxyeelada gaartay ay noqdeen dad ka soo jeeda Ethiopia.

Qaraxa Xalay dhacay ayaa waxaa uu aha mid qasaara badan geystay iyadoo aan lagu guulaysan in la qabto Kooxda falkaasi geystay kuwaasi oo ka carartay goobta ay bamka ku tureen.

Sanadan Bilowgeeda ayay ahayd markii qarax bam lagu weeraray goob ay ka cunteynayeen dadkan asal ahaan ka soo jeeda Ethiopia ee deegaan ahaan u dagay Magaalada Boosaaso.

Howlgalo ammanka lagu adkaynayay ayaa saaka Ciidamada ay ka wadeen guud ahaan Wadooyinka Magaalada Boosaaso iyadoo Xaalada ay tahay mid xasiloon oo aanay jirin wax dhaqdhaqaaq kale ah oo Magaalada ka jira.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments