Bartamaha (Kampala):-Ciidamada Booliiska Ugandha ayaa ku guulaystay soo qabashada Jaakad Bam uu ka buuxay taasi oo looga tagay gudaha Club ku yaala Kampala.

Howlgal ay sameeyeen Ciidanka Booliiska Magaalada Kampala ayaa waxa ay ku soo heleen Jaakad looga tagay Club ku yaala Magaaladaasi taasi oo bambooyin ay ku xernaayeen.

Gen. Kale Kayihura Taliyaha ciidamada Booliiska Kampala ayaa sheegay in ay soo heleen Jaakadaasi oo ay ku xernaayeen Bambooyin ka dibna Booliiska ay ka badbaadiyeen dadkii lala eegan lahaa.

Gen. Kale Kayihura waxa uu cadeeyay in jaakada looga dhextagay Capital Night Club oo ay ku jireen dad badan oo doonayay in halkaasi ay xalay ku caweeyaan balse shakki ka galay jaakada ka dib ay Booliiska wargaliyeen.

Taliyaha waxa uu sheegay in jaakada uu qof iska siibay taasina ay muujinayso in qofkii doonayay in uu is qarxiyo uu ka laabtay go’aankiisii hore sida saadaasha ay booliiska ku bixinayaan.

Howlgalka weli socanaya iyo Bambooyinka la helayo ayaa shaki badan galinaya ammaanka guud caasimada Ugandha oo qaraxyo ka dhacay ay sababaeen qasaara badan.

Xafiiska www.Bartamaha.Com

Nairobi –Kenya.

Comments

comments