Gudiga doorashooyinka dastuurka cusub ayaa shaaciyay naqtiijooyinka doorashooyinkii dhawaan ka dhacay dalka Masar ee loogu codeynayay dastuurka.

In ka badan boqolkiiba 63 waxa ay doonayaan in isbedal lagu sameeyay dastuurka iminka lagu dhaqo dalkaasi.

Doorashooyinka ayaa la qabtay 15. iyo 22 bishan eynu ku jirno ee Desember, waxaana sida ay mucaaradku sheegayaan ka qeyb galay oo kaliya boqolkiiba 32 dadka xaqqa u leh in ay codeeyaan oo qaan-gaaray.

Mucaaradka ayaa diidan natiijadan, waxaana ay ku eedeynayaan xisbiga madaxweynaha “Akhwaanka” in ay garwadeen ka yihiin doorashooyinka lagu doonayo in dastuurka lagu badalo.

Waxa ay dalbanayaan mucaaradku in baaritaan lagu sameeyo doorashooyinkan.

Mudooyinka dambe ayaa waxaa dalka Masar hareeyay dibadbaxyo rabshado wata kuwaas oo ay isaga soo hor jeedaan taageerayaasha madaxweynaha iyo kuwa ka soo hor jeeda.

Comments

comments