Bartamaha(Muqdisho):-Bililiqo xoogan ayaa ka socanaysa dhismaha Warshadii Farsamada Ee Xera Jarmal Magaalada Muqdisho arinkaasi oo ay Dowlada cambaarysay.

Taliska Ciidanka Daraawiishta Dowlada Soomaaliya ayaa wax laga xumado ku sheegay bililiqo ka socanaysa dhismaha Warshadii Farsamada ee Xero Jarmal Deegaanka gudbta Degmada Dayniile.

Afrax Cali Afrax Taliye Xigeenka Ciidanka Daraawiishta oo saxaafada la hadlayay ayaa waxa uu sheegay in maalmahan ay Islaamiyiinta bilaabeen bililiqada dhismmayaasha Warshadaha Dalka.

Taliye Xigeenka ayaa sheegay in shalay iyo maalintii ka horaysay la bililiqaysanayay wixii ka haray qalabkii dhismaha Warshadii Farsamada ee Xera Jarmal loo yaqiinay halkaasi oo albaabyada dhismayaasha xittaa la qaatay.

Masuulkaasi ayaa sidoo kale sheegay in la qaatay matoorkii dabka ee Warshadii Dharka Somali taxes ee Degmada Balcad halkaasi oo ay galeen Ciidamada Alshabaab sida uu hadalka u dhigay sargaalkaasi.

Isku sooo doob wararka soo baxaya eek u aadan Bililiqada dhismayaasha Warshadaha Soomaaliya ee xiligan ayaa imaanaysa xilli deegaanada ay ku yaalaan warshadahaasi ay ka taliyaan Xoogaga Islaamiga ah oo illaa haatan aan jawaab laga haynin.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments