Bartamaha(B/Weyne):-Xizbul Islaam ayaa sheegtay in dagaal guul ay ka gaartay la gashay Ciidamada Ahlu sunnah Duleedka Magaalada Baladweyne Ee Hiiraan.

Madaxa Ammaanka ururka Xisbul Islaam Sheekh Mire Daa’uud oo warfidiyeenada la hadlay ayaa sheegay in dagaal guul laga gaaray ay la galeen Ciidamada Ahlu sunnah.

Sheekh Mire  wuxuu uu xusay in dagaalka ka dhacay Baladweyne uu ahaa mid guul balaaran ay Jimcihii ka gaareen islamarkaana shalay uu dhacay dagaal lagu dhamaystirayay Kooxda ku soo duushay Magaalada.

Madaxa ammaanka ururka Xisbul Islaam ee gobolka Hiiraan Sheekh Mire Daa’uud wuxuu sheegay inay dagaalka sii wadi doonaan tan iyo inta ay dhammaan deegaanada hoos yimaada gobolka Hiiraan.

Sargaalkasi ayaa waxa uu ugu danbayntii sheegay in dagalada ka socanaya Hiiraan uu yahay mid qasaara ba’an lagu gaarsiiyay Kooxaha Nabada diidan sida uu hadalka u dhigay.

Dagaalka shalay ka dhacay duleedka Magaalada Baladweyne ayaa waxa uu ahaa mid inta badan qasaara ay isku geysteen labada Koox ee dagaalka uu u dhexeeyay wallow maalma badan ay la’anayeen shacabka maatada ah ee lagu dul dagaalamo.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments