Garowe_ Waxaa la filayaa galabta in lagsuu gaba gabeeyo garoonka Miro Awaare ee magaalada Garoowe tartankii 7aad ee koobka kubada cagta gobalada Puntland, oo beryihii lasoo dhaafay si habsamileh uga socaday magaalada Garoowe.

Cayaarta kama damaysta waxaa galabta isku arki doona xulalka gobalada Nugaal iyo Sool oo isugu horay wareega fiinaalka ee tartanka, waxaana cayaarta galabta ay umuuqata mid xiiso gaara huwan, maadama lagu kala bixi doono gobalka sanadkaan la hoyan doona koobka.

Agaasimaha guud ee wasaarada dhalinyarada iyo Cayaaraha Puntland Axmed Cabdala tigaana oo wariyasha kula hadlay xarunta wasaarada, ayaa waxa uu sheegay in cayaarta galabta si wanaagsan ugu diyaar garoobeen, waxaana uu rajo ka mujiiyey in cayaartu kusoo idlaato sidii loogu tala galay.

Garoonka Miro Awaare ayaa amaankisa aad loo adkeeyey waxaana cayaarta galabta la filayaa inay kaqayb galaan madaxda dowlada Puntland, gaar ahaana M/kuxigeenka Eng. Camey.

Taageeraysha labada gobal ayaa dhankooda isu diyaarinaya sidii ay uga qayb qaadan lahaayeen cayaarta, waxaana hadal haynta magaalada Garoowe ay maanta ahayd cida hanan karta sanadkaan koobka.

 

Comments

comments