Dhimashada Labadan Caruurta ah ayaa timid kadib markii ay ku qaraxday Bambaano dhulka ku aasnayd oo ay ku cayaarayeen meel ka agdhow xaafada ay kadaganaayeen deegaanka kaanjaroon ee dhinaca galbeed ee magaalada kismaayo.

Qaraxaan oo dhacay maanta abaarihii baraqanimo ayaa keenay dhimashada labadaan caruurta ah ee yar yar islamarkaana aysan jirin dadkale oo ay dhaawacyo kasoo gaareen

Qaraxaan, oo ahaa mid kamid ah Bambaanooyinka dhulka lagu aaso, ayaa la aaminsanyahay in ay ahayd Haraagii walxaha qarxa ee la adeegsanayay markii ay wadanka ka soconayeen Dagaaladii sokeeye oo uu dhiiga badani ku daatay oo dhexeeyey dadka soomaaliyeed tan iyo markii aydhacday dowladii dhexe ee wadanka soomaaliya  sanadii 1991 xilligaasi  oo ay wadanka kabilaabatay fawdadii lagu burburiyey xukuumadii wadanka soomaaliya.

Qaraxyada Ceynkan oo kale ah ayaa ah kuwo inta badan ka dhaca gudaha Wadanka Soomaaliya, gaar ahaan Gobollada ay aadka uga dhaceen Dagaaladii sokeeye ee ka dhaca Wadanka Soomaaliya.

Ma ahan markii ugu horeeysay oo qarax ceynkan oo kale ah oo ay dad ku waxyeeloobaan uu ka dhaca gobollada jubooyinka bile ka hor ayay ahayd markii qarax ay ku dhinteen laba qof uu ka dhacay degmada Bu’aale ee xarunta gobolka j/dhexe ee Wadanka Soomaaliya.

 

Kala soco Warar Xaqiiq ah www.Bartamaha.com

Kismayo-Somalia

Comments

comments