Bartamaha(Muqdisho):-Markabkan oo ahaa nuuca dagaalka isla marahaanataana uu ka dulba’banayay Calnka Wadanka Burtaqiiska ayaa saaka aroorti hore gacanta ku dhigay tira gaaraysa ilaa 20-dhalinyara Soomaaliyeed ah kuwaasi oo ay baaritaano ka dib sii daayeen .

Ciidamada Burtaqiiska ayaa la sheegay in ay weerareen raggan soomaalida ah xilli ay wateen Laba Dooniyood iyadoo ay rasaas culus  ku fureen kooxahaasi ka dibna ay gacanta ku dhigeen iyaga iyo Doonyihii ay saarnaayeen.

Sargaal u hadlay Ciidamada Badda Wadanka Burtaqiiska ayaa sheegay in raggaasi ay isku dayayeen afduubka markab ganacsi oo ku soo wajahnaa goobta ay dul sabaynayeen iyadoo uu sheegay in raggaasi ay hub ka dhigis ku sameeyeen.

Sargaalkaasi ayaa sidoo kale sheegay in dhalinyarada ay qabteen ay ku hubaysnaayeen hubka Fudud sidaana ay kaga qaadeen ka dibna ay go’aansadeen sii deynta ragaasi maadaama aanay ku guuleysan himiladooda ahayd afduubka maraakiibta maraysa Xeebaha Wadanka Soomaaliya.

Waa markabkii ugu horeeyay nuuca dagaalka ah oo sii daayay kooxo lagu tuhmay Burcad Badeednimo xilli dhammaan deegaanada Puntalnd laga quustay Kaluumaysiga caadiga ah maadaama ay la kulmayaan ciqaab adag haddii ay gacanta ku dhigaan Maraakiibta Shisheeye Ee Xeebaha Soomaaliya la soo dhoobay.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments