Bartamaha (Muqdisho) Xaalada guud Ee Magaalada Muqdisho ayaa saaka dagan ka dib dagaalo qaraar oo xalay ka dhacay qeybo ka mida Muqdisho kuwaasi oo geystay qasaaro dhimasho iyo dhaawacba leh.
Dagaalada ayaa waxa ay xalay ka dheceen Degmooyinka Hodon iyo Howl-Wadaag ka dib markii Mucaaradka ay weerareen Fariisinada Ciidamada Dowlada iyo Kuwa Amisom Ee Wadada Makka Al-Mukarama.
Inta uu socday dagaalka ayaa waxaa madaafiic lagu garaacay Xarumaha Dowlada Soomaaliya taasi oo keentay in jawaab kulul ay ku dhacdo Xaafado badan oo ka mida Muqdisho.
Inta la ogyahay dagaalada xalay dhacay ayaa waxaa ku nafwaayay ku dhawaad 8-ruux iyadoo ay ku dhaawacmeen 25-ruux kuwaasi oo badanaa ah dad shacab ah oo ku dhaqan caasimada kuwaasi oo madaafiicda ay guryahooda kula dhaceen.
Xaalada goobaha ay dagaalada ka dheceen ayaa ah mid xasiloon iyadoo aanay jirin wax dhibaata ah oo halkaasi ka taagan waxaa caadi u shaqeynaya gaadiidka dadweynaha iyadoo dadkuna ay dhaqdhaqaaq bilaabeen.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
