Bartamaha(Muqdisho):-Madaafiic aad u xoogan ayaa saaka waxaa ku soo tuusay dadka dagan Deegaanada Woqooyiga Magaalada Muqdfisho kuwaasi oo ku habsaday xaafdo dhowr ah oo ka mida Deegaanada ka mida goobihii horey loogu dagaalamay.
Saaka aroortii hore ayaa marqura waxaa Magaalada Muqdisho laga maqlay Madaafiic aad u xoogan oo ku dhacaysa Xaafadaha Suuq Bacaad,Sanca,Shibis,Kaaraan iyo C/Casiis halkaasi oo ahayd gobo horey dagaalo qaraar ay uga dhaceen.
Goobaha Madaafiicda ay ku dhaceen ayaa waxaa ka mida Xaafado ka tirsan Degmada Wardhiigley iyo Boondheere halkaasi oo uu ka dhashay qasaarihii ugu badnaa ee Madaafiicdii saaka.
Dadka Deegaanadaasi ayaa bilaabay in ay raadsadaan gobo ay kaga bad’baadaan duqeymaha lo geysanayo Xaafadaha Woqooyiga Muqdisho iyadoo dadka deegaanadaasi oo la hadlay Xafiiska Warqabadka www.Bartamaha.Com ay u sheegeen in ay naftooda ula carareen guryaha shubka ah si ay uga gabaadsadaan Madaafiicda dhacaysa.
Dhanka kale inta la ogyahay waxaa ku geeriyootay 13-ruux 50-kalana waa ay ku dhaawacmeen madaafiicdii iyo dagaalkii xalay ka dhacay Xaafado ka mida Magaalada muqdisho.
Madaafiicdii iyo iska hor’im aadkii xalay oo u dhexeeyay Ciidamada Amisom iyo Xoogaga ka soo horjeeda ayaa ahaa kuwii ugu xooganaa ee maalmihii la soo dhaafay ka dhaco Muqdisho.
Dhaawacyada qaar ayaa saaka ay suurta gal noqotay in loola cararo isbitaalada maadaama xalay ay suurta gal noqonweysan in gargar caafimaad loo fidiyo dadka waxyeelada ay soo gaartay.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
