Duqeymo iyo dagaalo goos-goos ah oo galabta iyo caawa ka dhacay qeyba ka mida ah Degmooyinka Kaaraan iyo Yaaqshiid Ee Muqdisho.

Bartamaha(Muqdisho):-Dagaaladan oo ay ka danbeeyeen duqeymo ba’an ayaa galabta iyo caawa waxa ay ka kala dhaceen qeybo ka mida deegaanada la isku hor’fadhiyo Ee degmooyinka Muqdisho qaarkood.

Gobaha ay dagaalada kooban ay ka dhaceen ayaa waxaa ka mida qeybo ka mida Degmada kaaraan iyo gudaha xaafadaha Degmada Shibis Ee Muqdisho halkaasi oo ay isku hor’fadhiyaan Ciidamada dowlada iyo xoogaga Mucaaradka.

Madaafiic culus ayaa waxa ay ku hoobanayeen xaafado ka tirsan Degmada Yaaqshiid sida Xaafada suuq bacaad iyo sidoo kale xaafado ka tirsan Degmada kaaraan.

Inta la ogyahay dagaalada ayaa waxaa ku dhaawacmay ilaa 10-ruux oo rayid ah kuwaasi oo la dhigay isbitaalada Muqdisho gaar ahaan isbitaalka Madiina halkaasi oo ah goobta caafimaad ee kaliya ee maalmahan ka dhaqdhaqaawysay Muqdisho.

Madaafiicda iyo dagaalada Galabta iyo caawa ka kala dhacday ayaa waxaa adag in la sii ogaado qasaara ka dhashay madaafiic caawa ku dhacday xaafadaha galabta la duqeeyay iyo goobaha la isku rasaaseeyay.

Xafiiska Wararka Soomaaliyeed www.Bartamaha.Com

Muqdisho-Somalia.