Bartamaha (Balad-Weyne) Ciidamada Alshabaab ayaa saaka weerar ku qaaday fariisinada Ciidamada Dowlada Galbeedka Magaalada B/Weyne iyadoo ay kula wareegeen guud ahaan galbeedka Magaaladaasi.
Dagaal qaraar ayaa mar qura saaka aroortii hore waxa uu ka qarxay Xaafadaha Galbeed Ee Magaalada B/Weyne halkaasi oo ay fariisino ku lahaayeen Ciidamada Dowlada iyadoo Islaamiyiinta Alshabaab ay weerar kula soo jarmaadeen.
Ka dib dagaal muddo saacad ku dhow ka socday Galbeedka Magaalada ayaa waxa ay sabab ka dhigtay in Ciidamada Alshabaab ay kula wareegaan galbeedka oo idil iyadoo Ciidamada Dowlada ay u soo gudbeen dhanka Bari Ee Baladweyne.
Illaa xiligan ma cada qasaaraha labada dhinac kala gaaray balse 2-rux oo rayid ah ayaa ku geeriyootay 3-kalana waa ay ku dhaawacmeen dagaalkii saaka ka dhacay galbeedka Magaalada B/Weyne.
Ma jiro wax war ah oo ka soo baxay dhanka Maamulka Dowlada Magaalada B/Weyne oo la sheegayo in ay abaabulo ay isku difaacayaan ka wadaan dhanka Bari Ee Magaaladaasi B/Weyne.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
