Bartamaha(Muqdisho):-Dagaaladan oo u dhexeeya Ciidamada Amisom iyo Xoogaga Mucaardak ayaa waxa ay ka bilowdeen barqanimadii maanta Deegaanka KM.4 iyo Taleex Ee Muqdisho.

Dagaal Xoogiisa ayaa wsaxa uu ka dhacay Wadada Km.4 iyo Wadada Taleex halkaasi oo ay isku horfadhiyeen Ciidamada dowlada oo ay dagaal ka riixayaan kuwa Amisom iyo Xoogaga Alshabaab iyo Xizbul Islaami oo iskaashanaya.

Madaafiicda Hoobiyayaasha ayaa lagu weeraray goobo ka baxsay halka rasaasta ay ka dhacaysay iyadoo tiro madaafiic ah ay ku dheceen Xaafadaha Siigaale,Bakaaraha,Howlwadaag iyo Gudaha suuqa weyn ee bakaaraha iyo deegaano kale.

Inta la ogyahay dagaalkii barqanimadii maanta ka dhacay Magaalada Muqdisho waxaa ku geeriyootay 4-ruux oo rayid ah halka dhaawaca gawaariga Gurmadka ay qaadeen in gaarayaan 22-ruux oo haatan yaala isbitaalada Muqdisho.

Dagaalkan ayaa waxaa ka horeeyay Weerar xalay lagu qaaday Isgoyska Wadada Shaqaalaha iyo qeybo ka mida Wadada Makka Al-Mukarama halkaasi oo ay daganyihiin Ciidamada Amisom .

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments