Bartamaha(Muqdisho):-Dagaalkan ayaa waxa uu bilowday waabarigii saaka isagoo si toos ah uga qarxay xaafado ka mida Degmooyinka C/Casiis,Shibis  iyo Boondheere.
Dhawaqa Madaafiicda iyo rasaasta tooska ayaa laga maqlayaa inta badan caasimada Muqdisho taasi oo ay Xoogaga Mucaradka Iyo Ciidamada Dowlada ay isaga soo hor’jeedaan Degmooyinka Woqooyiga Muqdisho.
Dagaalka saaka bilowday ayaa la sheegayaa in uu ku baahay deegaano hor’leh sida Degmada Boondheere oo ay inta badan la wareegeen Xoogaga Alshabaab oo aan maalmahan halkaasi dagaal ka galin iyadoo dagaalkii ugu xooganaa uu halkaasi ka socanayo.
Ciidamada Dowlada iyo Xoogaga Mucaaradka ayaa sidoo kale dagaalkooda waxa uu sidii shalay oo kale uga socdaa Degmooyinka C/Casiis Iyo shibis waxaana haatan rasaasta ay ka socotaa Xaafadaha Baar Fiat,Isgoyskii Jubba iyo Isgoyska Mana-Boly halkaasi oo dagaal faraha looga gubtay uu ka holcayo.
Illaa haatan lama ogaan karo qasaaraha dagaalka uu sababay iyadoo dhawaqa madaafiic culus laga maqlayo Muqdisho kuwaasi oo inta badan ku hoobanaysa Xaafadaha Degmada Shibis halkaasi oo la sheegayo in xoogga ay soo saareen Islaamiyiinta iyadoo ay jiraan Madaafiic ku dhacaysa dhanka Xarunta Madaxtooytada.
Wixii warar ah Ee ku soo kordha Dagaalka Muqdisho oo maanta aad u kulul waxaad kala socon kartaan.
Xafiiska Wararka Bartamaha Soomaaliyeed www.Bartamaha.Com
Muqdisho-Somalia.
