Bartamaha (Nairobi):- Sida aad ku arkaysaan Muuqaalada hoose waxaa Bartamaha Media Network oo isku howlay in uu kuu soo bandhigo muuqaalkii Ciidul Adxaa ee Magaalada Nairobi.

Abaara 7:30 Mirir ah ayay ahayd markii Madaxa Bartamaha Media Ee Afrika C/risaaq Yuusuf Cabdalla Kambaala iyo asxaab ay wada socdeen ay ka dhaqaaqeen Xafiiska www.Bartamaha.Com Ee Nairobi.

Xiliga aan ka daadagnay Dhismaha uu ku yaalo Xafiiska www.Bartamaha.Com Ee Afrika ayaa waxaa muuqaalkii koowaad ee aragtida farxada Ciidul Adxaa ayaa ahaa dad fara badan oo cagtooda maalaya kuwaasi oo u kala jiheesnaa wadooyinka Muhiimka si ay u gaaraan fagaarayaasha maanta lagu wada dukanayay.

Koox wariyayaal ah oo aan wadada iska helnay iyo dad aan isku cag darsanay baan wada gaarnay Fagaaraha weyn ee Eastleigh High School halkaasi oo aanu kula ciidaynay dadkii salaada ku dukanayay inagoo goobtaasi ku dukanay maanta.

Xiliga aan goobta gaaray waxa aan bilaabay in aan qalabkaygii shaqada la soo baxo sida Kaamiradii sawirka iyo qalabkii codka aan ku duubayay waxaana goobta lagu dukanayay muuqaalkeeda ahayd mid aan sheeko kooban lagu soo koobi karaynin.

Mar hadii aan sheeko kooban idinka siiyo qaabka loo nidaamiyay goobta lagu dukanayay ayaa ahayd mid Cajiib ah oo dadka ay indhaha ku doogsanayeen ,Garoonka waxa uu ahaa mid bilicdiisa ay aad u wanaagsan tahay ,dhulka ayaa ahaa mid doog Cagaaran ah,ragga iyo dumarka ayaa ka soo kala galayay Laba wado oo loo sameeyay taasi oo ay dheertahay in xad dheer loo sameeyay ragga iyo dumarka si ay ugu wada dukadaan fagaaraha.

Takbiirul Axraam ayaa dhagahayga soo gaaraysay anigoo la qaadayay Bulshada goobta ugu diyaar garoobaysay Salaada Ciidul Adxaa si aan goobta ugu wada dukano maadaama fagaaraha loo gaaray salaadaasi iyo Farxada oo la iskugu Hambalyaynayay.

Asxaabta indhahayga  qabteen inta an shaqada ku jiray waxaa ka mida ahaa rag Wariyayaal ahaa sida Maxamuud Yuusuf Idaajaa oo aan sanadii 2007-dii mar ka wada shaqeyn jirnay Idaacada IQK Muqdisho oo aan fagaaraha ku wada kulanay muddo ka dib.

Sidoo kale Muuqaalo asxaab aad iigu saraysa ayaan goobtaasi ku arkay balse waxaan sii watay shaqadayda si aan Bulshada Caalamka joogta ee Soomaaliyeed ugu soo gudbiyo Muuqaalka dhabta ah iyo Farxada looga ciiday Magaalada Nairobi.

Abaara 8:20-daqiiqa ah ayaa loo istaagay Salaada dukashadeeda fagaaraha aan ku sugnaa waxaana ii suurtagashay in aan sii guto Calamka caadiga ahaa wallow aanan ilowsanayn Camalkii iyo Salaadii aan goobta u tagay .

Allaah Mahadiis waxa aan ka mid noqday dadkii ku dukaday Fagaarahaasi Dugsiga sare ee Xaafada Soomaalida Ee Islii halkaasi oo dad Kumanaan ah aan kula dukaday fagaarahaasi oo maanta ka mid ahaa dhulkii lagu dukanayay.

Markii Salaada laga soo baxay ayaa waxaan dib u bilaabay Howshaydii Shaqo waxaana Micrphon-ka aan la dhex qaaday dad badan oo aan goobta ku wada dukanay Salaadii Ciidul Adxaa kuwaasi oo faraxdooda muujinayay.

Dadka la hadlay www.Bartamaha.Com ayaa waxa ay muujinayeen farxada Ciidul Adxaa waxaana ay qaar badan oo muuqaaladooda aad hoos uga jeedaan ay sheegayeen in ay ku faraxsan yihiin Ciida xiligan.

Qaar badan oo aan la hadalnay ayaa inoo cadeeyay in ay jeclaan lahaayeen in ay ku dukadaan dalkooda Hooyo oo Nabad ah iyadoo ku baaqay in Nabada dalkii Soomaaliya oo ay ka soo carareen laga shaqeeyo.

Caruur badan oo goobta ku ciidaysay ayaa iyana waxa ay ahaayeen kuwa ku nool Nairobi balse qudhooda ay muujiyeen in ay dalkooda jecelyihiin in ay ku ciidaan sanadaha soo aadan waa hadii uu nabad noqdo.

Dadkii aan Micrphonka la dhexqaaday ayaa waxa ay ka midaysnaayeen faraxdooda Ciidul Adxaa waxaana ay baaq guud ugu direen dhinacyada Soomaaliya isku dilaya in ay ka daayaan dhibaatada Bulshada ku hartay dalka.

Ugu danbayntii waxaa goobta fagaaraha ah aan kula kulmay asxaab aad qaali u ah oo Suxufiyiinta dibad joogta ah iyyo qaar kale oo dalka dhawaan ka timid sida Sii Hayaha Xilka Gudoomiyaha Ururka suxufiyiinta FESOJ Colaad Maxamed Xasan ” Istiila” iyo Gudoomiyaha Ururka Wariyayaasha Qaxootiga ah Maxamed C/laahi Siidii iyo rag kale oo aan Fagaaraha isugu Hambalyaynay Farxada Ciidul Adxaa.

Xiligii dadka ay u kala dareereen Xaafadahooda ayaanu ku soo dhaqaaqnay dhanka Xafiiska Bartamaha Ee Nairobi iyadoo aan wadada kula kulanay dad Ciidaya iyo kuwa aad u libisan islamarkaana Wadooyinka isku salaamaya.

Wadooyinka magaalada ayaa ahaa kuwa ciriir ah oo gawaarida ay yihiin kuwa marba dhinac isku dhaafaya sida muuqaalka Xaafada Islii wadada General Waruinge Street kaaga muuqanaysay.

Ugu danbayntii Madaxda Bartamaha Media and Olol Films Prpoductions  C/Salaan Axmed Caato,Tifaftiraha guud Wiil waal,Madaxa Bartamaha iyo Olol Films Afrika C/risaaq Yuusuf C/lla Kampala,C/qafaar Axmed Shire,Ibraahim C/lle Syfudiin iyo dhammaan Howlwadeenada BARTAMAHA MEDIA IYO OLOL FILMS waxa ay leeyihiin Bulshada Soomaaliyeed nagula Ciida Farxad Bash-bash iyo baraare

ALLOW DALKII OO NABAD AH CIIDAN CIIDEEDA KELE NAGU GAARSII.

AAMIIN……….AAMIIN………….AAMIIN.

DAAWO SAWIRADA IYO MUUQAALO CAJIIB AH:-

Albaabka Xafiiska Bartamaha iyo Ololfilms Afrika

C/risaaq Yuusuf Cabdalla ” Kambaala”

Xafiiska www.Bartamaha.Com Ee Bariga Afrika

[email protected].

Comments

comments