Bartamaha (Muqdisho):- Kooxda Alshabaab ayaa soo dhigtay goob cidla ah maydka wiil ay Madaxa ka soo jartay kaasi oo laba qeyb loo kala dhigay maydkiisa.

Maydka Wiil madaxiisa la jaray ayaa saaka lagu arkay Fagaare ku yaala Degmada Kaaraan oo lagu magacaabo Qoob dooro ka dib markii wiilkaasi lagu soo gowracay xaafad kale oo ka mida Degmadaasi Kaaraan oo Madaxiisa laga soo helay.

Qeybta danbe ee Jidkiisa ayaa lagu arkay wiilkan Barxad lagu ciyaari jiray Kubada oo loo yaqaano Qoob dooro waxaana Madaxiisa marki danbe oo la baadi goobay laga soo helay Deegaanka Liida Ee Xeebta Degmada Kaaraan iyo C.Casiis u dhexeysa.

Maydka wiilkan oo qaab Shareecada Islaamka ka baxsan loo dilay ayaa waxaa dadkii arkay qaarkood ay miyir daboolmeen markii qoorta wiilkasi la waayay waxaana muddo ka garan la’aa jirka wiilkaasi oo astaan lagu garto la la’aa maadaama madaxiisa meel kale la dhigay.

Wiilkan ayaa markii jirkiisa la isku keenay aqoonsaday qaar ka mida Dadka Degmada Kaaraan waxaana hore looga qabsaday gudaha Degmadaasi wallow 10-Cisho ka dib la helayo jirka wiilkan oo qoorta looga gowracay sida xoolaha oo kale.

Alshabaab ayaa hore ku caan baxday kala jarida iyo gowracida qofka ay u arkaan in aanu raacsanayn Fikirkiisa waxaana Magaalada Muqdisho iyo deegaano aan badnayn oo Jubooyinka ka mida hore loogu arkay maydad nuucan ah oo ay shabaabka u gowraceen sida xoolaha.

Xafiiska www.Bartamaha.Com Ee Afrika

[email protected]

Comments

comments